कधी कधी नभालाही वाटत असेल
घ्यावे धरतीला मिठीत
कधी कधी ढगानाही वाटत असेल
शिरावे ह्या दरीच्या कुशीत
कधी कधी शिखरालाही वाटत असेल
खोल खोल दरीत उतरावे
अन कधी कधी दरीलाही वाटत असेल
उंचावरून जग पहावे
कधी कधी पावसालाही वाटत असेल
ओलेचिंब भिजावे
अन कधी कधी थंडीलाही वाटत असेल
उबदार गोधडीत शिरावे
कधी कधी उन्हालाही वाटत असेल
सर्वस्व सावलीला द्याव
अन सावल्यांनाही वाटत असेल
सोनसळी उन्हात नहाव ..
कधी कधी शब्दानांही वाटत असेल
कवितेला सजवावे
कधी कधी कवितेलाही वाटत असेल
शब्दांचेच होऊन जावे ...
---
9 comments:
मस्त आहे रे कविता... आवडली मला जाम...!! तू माझे सर्व ब्लोग्स इकडे लावले आहेस .. आज फिरता फिरता इकडे आलो आणि कळले. धन्यवाद...!!!
धन्यवाद...
तुझे blogs छान आहेत वाचायला आवडतात
mast re... :)
khupach sundar kavita ahe...apratim....bandya rocks
क्लास आहे विरोधांचे एकत्रीकरण.
कधी कधी लेखकांना ही वाटत असेल
वाचक होऊन (आपलेच) लेख वाचावे.
विश, प्रशांत , उर्मी
धन्यवाद ....
छान झालीय कविता ! :)
chan ha maja ali
धन्यवाद संदीप
Post a Comment